Yüz bir üsul

Yeni başlayan balıqçıları qarmağın tilova
bağlanması problemi xeyli məşğul edir. Vaxtilə uşaqlıqda atam mənə ən sadə üsulu göstərmişdi,
həm halqalı, həm də kürəkcikli qarmaqlar üçün yararlıdır. Bu düyün bir dəfə də olsun məni
yarı yolda qoymayıb. Hətta nəhəng üçlü qarmağı millimetrlik diametrli tilova
bərkitmək zərurəti ilə üzləşəndə də çox fikirləşmədim,
yaxşı tanış olduğum düyündən istifadə etdim. Bir saat sonra o, qarmağa ilişmiş
on kiloqramlıq naqqa ilə sınaqdan keçdi. Düyün, ümumiyyətlə, klassikdir, o,
yeni başlayanlar üçün istənilən vəsaitdə çəkilib. Onu beş dəqiqəlik məşqdən sonra
istənilən oğlan uşağı bağlaya bilər.
Bir çox balıqçılar qarmağı
öz bildikləri kimi bağlayır və iddia edirlər ki, onların üsulu daha sadə və etibarlıdır.
Buna görə də qarmaqların tilova bərkidilməsinin ən azı yüz müxtəlif variantı mövcuddur.
Lakin yaxşı görmə qabiliyyəti və çevik barmaqlar tələb edən bu kifayət qədər zəhmətli əməliyyatı
sadələşdirmək üçün ixtiraçılar
tilovla yeganə mümkün birləşməyə imkan verən xüsusi başlıqlı
qarmaqlar təklif edirlər.
Məsələn,
ABŞ-da
ixtira edilmiş qarmaq tilovun ucundakı yeganə kürəcik vasitəsilə onun üzərində dayanır.
Bunun üçün tilovu gövdənin yastılaşdırılmış və əyilmiş yuxarı hissəsindəki
dəlikdən keçirir və sadə düyün vururlar. Əslində, eyni qaydada
başlığı halqa şəklində olan adi qarmağı da bağlamaq olar. Lakin bu halda
qarmağın gövdəsi tilovun davamı olmayacaq, bucaq altında yerləşəcək,
bu da, çox güman ki, balıq tutarkən narahatlıq yaradacaq.
Daha
bir qarmaq (Böyük Britaniyanın 2100103 nömrəli iddiası) gövdəni əhatə edən sadə
düyünlə bağlanır. Qarmağın başlığı bir tərəfi açıq spiral şəklindədir,
tilov ondan keçirilir.
Şübhəsiz,
qarmağın tilova bərkidilməsinin mürəkkəb və ya, əksinə, sadələşdirilmiş üsulları
orijinal təchizatdan müəyyən balıqçılıq şəraitində istifadə edildikdə
özünü doğruldur. Onlardan bəziləri fiziki qüsurları olan insanlar üçün
əvəzolunmazdır.