Uzağa atma - Terri Edmondsun "ustad dərsi" 1-ci hissə

Məqalənin müəllifi Terri Edmods ingilis kastinqçisidir. Məqalədə karp ovu ilə məşğul olan balıqçılar arasında ən geniş yayılmış atma üsulunun - başüstü atmanın düzgün icra texnikası təsvir olunur. Müəllif atma məsafəsini xeyli artırmağa imkan verən praktiki tövsiyələr verir.

Özüm haqqında bir az danışmaq istərdim. Atma bacarıqlarını kastinq turnirlərində, dünyanın ən yaxşı kastinqçilərindən bir neçəsi ilə yarışaraq öyrənmişəm və atma zamanı özünəinam verən şeyləri öyrənməyə çox saatlar sərf etmişəm. Nəticədə beynəlxalq kastinqçilərə qarşı çoxlu klub yarışlarında qalib gəlmişəm, meydança rekordu qoymuşam və 270 yarddan (~ 246 metr) artıq şəxsi ən yaxşı nəticəyə nail olmuşam. Təxminən 20 il ərzində vaxtaşırı karp ovu ilə məşğul olmuşam. Mənim haqqımda bu qısa məlumatlar göstərir ki, atmanın necə edildiyini bilirəm.

Atma məsafəsini necə artırıram? Əsasən məndən başüstü atma haqqında soruşurlar, çünki bu atma üsulundan haqlı olaraq demək olar ki, bütün karp ovçuları istifadə edir, belə ki, o, yüksək dəqiqlik verir və düzgün icra olunarsa, kifayət qədər güclü ola bilər.

Maksimum uzağa atmaq üçün Siz atma prosesində qurğuşunu hər bir spesifik üslubun məhdudiyyətləri daxilində maksimum böyük qövs üzrə hərəkət etməyə məcbur etməlisiniz, böyük qövs = qurğuşunun böyük sürəti = məsafə, beləliklə, bu, atmanın nail olmalı olduğumuz ən vacib cəhətidir və başüstü atmada, xoşbəxtlikdən, ona nail olmaq asandır.

Foto 1-də karp ovçularının tipik atması adlandırdığım şey təsvir olunub, onu təkcə təlim zamanı deyil, sahildə də daim görürəm. Belə atma çox dəqiq ola bilər, amma uzaq məsafələr üçün o qədər də yaxşı deyil. Sağ qola baxsanız, o elə əyilib ki, çarx az qala başa toxunur, sol qol da göz səviyyəsinə qədər bükülüb və mən suya baxıram, bu dəqiqlik üçün çox yaxşıdır, amma atma məsafəsi üçün faydasızdır. Bunu dəyişmək lazımdır!!!! Bu texnikanı güclü uzaq atma ilə birləşdirin və bütün gücünüzlə tilovu əyməyə çalışın. Əgər onu əyməsəniz, o, Sizin üçün işləməyəcək.

Yaxşısı budur, foto 2-yə baxın, burada hər şey qurğuşunu həqiqətən çox uzağa göndərməyə hazırdır. Düzəldilmiş sağ qol başdan yuxarıdadır, fırlanma oxu, böyük qövs, həmçinin böyük ling yaradır.

Sol qol da düzəldilib və bütün sürəti və gücü yaradır. Sağ qol atma zamanı faktiki olaraq heç nə etmir. Atma prosesində bütün güc və təcil sol qolun çox sürətlə aşağı endirilməsi hesabına yaranır ki, bu da düzgün icra olunduqda sürət və qövs yaradır, həmçinin tilovdan səmərəli istifadə etməyə imkan verir - karp tilovlarının əksəriyyətini əymək asandır.

Əvvəlcə hisslər bir az qəribə olacaq, amma yuxarıda təsvir olunan qaydada atmağa 30 dəqiqə sərf edin və mən praktiki olaraq atma məsafənizin xeyli artacağına zəmanət verirəm.

Növbəti addım bədəninizin çəkisindən istifadə etməkdir - istənilən atma məşqlərində çəkidən səmərəli istifadə olunur. Uzaq atmalar zamanı bədən çəkisindən səmərəli istifadə edən balıqçıları çox nadir hallarda görmüşəm (suyun kənarında dayanıb az qala gölə yıxılanlar - uğunub gedirəm). Bədən çəkinizdən istifadə etmək üçün etməli olduğunuz tək şey atma üçün adi vəziyyət almaq, amma bütün çəkini arxa ayağa keçirməkdir - ön ayağın ucunu qaldırmaq işi asanlaşdıracaq. Az qala arxaya yıxıldığınızı hiss etdikdə, hər şeyi lazımi qaydada etmisiniz. Foto 3-ə baxın.

İndi qurğuşun tilovun altında HƏRƏKƏTSİZ asılıb. Qurğuşunu yelləyən balıqçıların sayına həmişə heyrət edirəm. Bunun üçün heç bir aşkar səbəb görmürəm və bunu niyə etdiklərini başa düşmürəm!!! Bizə qurğuşunun heç bir yellənməsi lazım deyil, çünki onlar atmanın istiqamətinə və ardıcıllığına təsir edə bilər.

Beləliklə, bədən çəkiniz arxaya keçirilib, qollarınız isə yuxarı qaldırılıb, birbaşa atma prosesinə keçək.

1. Böyük, yavaş addım irəli.
2. Atma istiqamətində irəli əyilmə.
3. İndi sol qolu kəskin şəkildə aşağı, sinəyə qədər endirin.

Atmadan əvvəl addımdan və bədən çəkisindən istifadə tilovun ucunu əvvəlcədən yükləməyə imkan verir ki, bu da əsas atmanı daha ustalıqlı edəcək. Bu ona görə baş verir ki, əgər uc əvvəlcədən yüklənibsə, atma zamanı qısa güclü hərəkət ərzində onu artıq yükləmək lazım gəlmir və atmanın bütün gücü daha tez kötüyə ötürüləcək. Tilovu əymək xeyli asan olacaq, nəticədə ondan daha səmərəli istifadə olunur. Foto 4 və 5-ə baxın.

Atma zamanı qarmaq xəttinin sallanmasının dəqiq tənzimlənməsi

Qarmaq xəttinin sallanması istənilən atmanın ən vacib elementlərindən biridir və ən yaxşı atma hissinə nail olmaq üçün fərdi olaraq dəqiq seçilə bilər, çünki atmanın ardıcıllığına, onun hündürlüyünə və tilov hissinə təsir edir.

Bu məsələni asanlaşdırmaq üçün empirik bir qayda deyəcəyəm - adətən qarmaq xəttinin sallanması heç vaxt tilov dizlərinin birləşmə yerindən aşağı olmamalıdır, amma bu, yaxşı başlanğıc nöqtəsidir. Tilov yumşaq hiss olunursa, hiss düzgün olana qədər sallanmanı düym-düym tədricən azaldın, amma başüstü atmada sallanmanı heç vaxt tilov dizlərinin birləşmə yerindən birinci halqaya qədər olandan az etməyin.

Qarmaq xəttinin sallanmasının hər dəyişməsindən sonra atmanın ardıcıllığı və tilov hissi də dəyişəcək. Atma zamanı rahat hisslərə nail olduqdan sonra qarmaq xəttinin sallanmasını dəyişməyi dayandırın və tilovun blankında işarə qoyun. Gələcəkdə bu, hər atmanı qurğuşunun eyni ilkin vəziyyəti ilə icra etməyə imkan verəcək.

Məşq kamilliyə çatmağa imkan verir

Yüzlərlə saat atma üzərində məşq etmişəm (adətən turnirlərə hazırlıq və ya tilovların sınağı zamanı). Bədən hərəkətləri ilə bağlı hər şey kimi, ardıcıllıq və texnika məşqi kamilliyə çatmağa imkan verir. Zəmanət verirəm ki, bu məqalədə göstərilən tövsiyələrə əməl etməklə atmanızı sonsuzadək təkmilləşdirə biləcəksiniz və əvvəllər son gücünüzlə çatdırdığınız yerə atmaq sizin üçün xeyli asan olacaq.

Həmin arzuolunan əlavə yardlara çatmaq üçün əsas məsləhətlərim

1. Əllərinizi yuxarı qaldırmazdan əvvəl bu tövsiyələri xatırlayın, yuxarı və irəli baxın, yavaşca addım atın, ön ayağınız yerə dayandığı anda atın!!!!!
2. Bütün güc və sürət sol əldən gəlir, sağ əl yalnız fırlanma oxudur (solaxaysınızsa, əksinə).
3. Qarmağın ucundan sallanan xəttin uzunluğu çox vacibdir.
4. 3,5-dən 4 unsiyaya qədər çəkisi olan qurğuşunlardan istifadə edin (bir qayda olaraq).

Ümid edirəm ki, bu kiçik məqalə sizə kömək etdi. Onu mümkün qədər sadə etməyə çalışdım. Növbəti dəfə atış zamanı kömək edə biləcək ləvazimatlardan danışacağıq, amma əvvəlcə düzgün texnikaya nail olun, çünki indiki imkanlarınızın nə qədər irəli gedə biləcəyinə bəlkə də təəccüblənəcəksiniz.

Uzaq atışa cəhd etməzdən əvvəl bu bölməni öyrənmək çox vacibdir

Xahiş edirəm, şoklider istifadə edin. Mən ya 65 funtluq Berkley Whiplash, ya da Fox konusvari liderini tövsiyə edirəm - hər ikisi əla məhsullardır.

Dəri barmaqlıq da mütləq olmalı olan başqa bir əşyadır. Onu apteklərdən çox ucuz almaq olar. Barmaqlığın olması az qala kəsilmiş barmaqdan qat-qat yaxşıdır. Bu barədə mənə inanın, hörülmə şokliderlərin barmaqlara kəsib girməsindən yaranan ciddi yaralar görmüşəm.

Friksionun tam sıxıldığına əmin olmaq güclü atışdan sonra barmaqsız qalmamağın daha bir etibarlı yoludur.

Diqqət yetirilməli olan daha bir məqamı demək istəyirəm - ətrafınızda nə var və atış zamanı təhlükəli zonada kim/nə var. Yoldan keçənlər, təbii obyektlər və digər balıqçılar "atəş xəttində" ola bilər, xahiş edirəm, ehtiyatlı olun.

Mən həmişə kömək etməyə və ya öyrətməyə hazıram, ona görə də elektron poçtla yazın

Uğurlar və uğurlu atışlar.