Sualtı ovçularının tipləri

SUALTI OVÇULARININ TƏSNİFATI

İcazə verin, mənim təsəvvürümdə sualtı ovçuların zarafatyana təsnifatını sizin mühakimənizə təqdim edim. Deməli, əhəmiyyətinə görə yox, sadəcə ağlıma gəldiyi kimi:

"Çaydan"
- yeni başlayan sualtı ovçu (bundan sonra - sualtı ovçu), fırıldaqçı satıcıların ona sırıdığı bütün sualtı ləvazimatı həvəslə alan, sualtı ov barədə istənilən məlumatı süngər kimi acgözlüklə canına çəkən adam. Su hövzələrində ласtlardan qalxan xarakterik köpüklü dalğadan və tənəffüs borusunda ucadan fınxırıb-xoruldamasından onu bir neçə kilometr aralıdan asanlıqla tanımaq olar.

"Nəzəriyyəçi"
- əla danışan, sualtı ovun bütün incəliklərinə bələd olan, sualtı ləvazimat üzrə böyük mütəxəssis, analitik, sensey, quru, spirfişinqin superstarı. Ov barədə bir dəfəlik və həmişəlik ağlına gəlmiş son instansiya həqiqətləri ilə bütün İnterneti flud edib doldurub. İldə bir dəfə yaxınlıqdakı su hövzəsinə gedir, yolunu azmış bir balaca durnaya atəş açıb vura bilmir və ilin qalan hissəsini sualtı bir canavarla görüşü və onu vurmağa mane olan yüz səbəb barədə müxtəlif variantlarda danışmaqla keçirir. (Müəllifin qeydi: özümü də xeyli dərəcədə bu tip ovçulara aid edirəm.

"Qəssab"
- bunlar, bir qayda olaraq, Şəbəkədə görünmürlər, tənha, gizli həyat tərzi sürürlər. Onların avadanlığında heç bir zəriflik yoxdur, amma rasional, dəqiq ölçülüb-biçilmiş, etibarlı və təsirlidir. Bir ovda bir sentnerdən az balıq tutarsa, bu tip ovçu vaxtını boş yerə sovrulmuş sayır, ovdan "əliboş" qayıtmaq çox vaxt onda ən ağır depressiya tutmasına səbəb olur, bu da səbəbsiz qəzəbə çevrilir. Sualtı dünyanın gözəllikləri, ov prosesindən alınan zövq və bu kimi cəfəngiyatlar onu dovşanı balet başmaqları nə qədər maraqlandırırsa, o qədər maraqlandırır.

"Romantik" və ya "seyrçi"
- çox vaxt bunlar ya balığı qohum-tanışa paylamaqdan artıq bezmiş sualtı ovçular, ya da əksinə, heç olmasa nəsə vurmaqdan ümidini üzmüş olanlar olur. Minimum əsəb və fiziki enerji sərf etməklə öz həzz mərkəzlərini effektiv idarə etməyi öyrəniblər və bundan bu və ya digər ağılsız dərəcədə istifadə edirlər. Bu kateqoriyadan olan sualtı ovçuların xeyli hissəsi öz həzzlərini quruda yaşayanlarla bölüşmək üçün foto-videokameralar, bokslar, işıqlandırma aparatları kimi müxtəlif texniki vasitələr əldə edir.

"Gecəçilər"
Gündüzlər müxtəlif faydalı işlərlə məşğul olan, bütün normal insanlar Morfeyin qucağında olanda suya girməyə məcbur olan sualtı ovçular. Zaman keçdikcə belə sualtı ovçuların beyinləri və görmə orqanları elə spesifik şəkildə dəyişir ki, gündüz ovuna çıxmağın çox nadir halları onlarda miqren tutmalarından başqa heç nə yaratmır.

"İdmançılar"
Belə sualtı ovçuların həyat mənası reytinqlər, xallar, mükafatlar və sualtı ov yarışlarını müşayiət edən digər bütün aksesuarlardır. İdmanla əlaqəsi olan hər kəs kimi, onların da şöhrətpərəstlik hissi kəskindir. Bəzən, yarışlar və məşqlər arasındakı nadir fasilələrdə adi ova da enirlər və bu zaman vərdiş üzrə balıq axtarışında və ovunda özlərini tam taqətdən düşənə qədər yorurlar.

"Aborigenlər"
Ucqarlarda yaşayan, yaxınlıqdakı bütün gölməçələri uzununa-eninə incəliyinə qədər öyrənmiş, çox vaxt yaşı xeyli ötmüş və ailə qayğıları ilə yüklənmiş sualtı ovçular. Onların ləvazimatı yerli ucqar eldoradolarda əylənmək üçün "aborigen"in yanına qonaq getməyə can atan istənilən "sivil" ovçunu görkəmi ilə huşdan sala bilsə də, belə "aborigenlərin" bütün yaxın və uzaq qohumları süfrədə heç vaxt balıq qıtlığı çəkmirlər. Təmənnasız, təmiz qəlbli insanlardır, onları yalnız təsadüfən gəlib-gedən "idmançıların" tamamilə boşaltdığı sevimli su hövzəsinin görkəmi özündən çıxara bilər..

Yaxşı, və sairə, siyahını, təbii ki, davam etdirmək olar.. Xahiş edirəm, bu təsnifata mən onu tərtib edərkən olduğu kimi eyni dərəcədə ironiya, lağ və rişxəndlə yanaşasınız..