Cənub marşrutu: Masallı

Rayonun əhalisi - 180300 nəfər; rayon mərkəzi, Masallı şəhəri - 9400 nəfər.

MASALLI RAYONU regionun əsas nəqliyyat arteriyası - Azərbaycan paytaxtından cənuba, İrana gedən yol boyunca yerləşir. Rayonun sərhədlərindən biri Xəzərin dəniz sahili, digəri isə TALIŞ dağlarıdır. Ərazinin təzadlı relyefi - dağlar və düzənliklər (Lənkəran ovalığı) iqlim fərqlərini də şərtləndirib - quru yayı olan mülayim istidən subtropikə qədər. Burada axan çaylar - VİLƏŞ, ALVADIÇAY, TATYAN və s. Xəzər dənizinə tökülür.

Masallı rayonu mineral bulaqlarla zəngindir - həm termal, həm də soyuq bulaqlar var, bəzilərində kükürd və digər mikroelementlərin miqdarı yüksəkdir. Rayonun mənzərəli dağ guşələrindən birində İSTİSU mineral bulağı yerləşir - bulağın suyu müalicəvidir. Bura müalicəyə və sadəcə istirahətə gəlirlər - yer çox gözəldir, termal su şəlaləsi və asma körpüsü var. İstisu çox populyar müalicəvi mineral sudur, onun butulkalarını ölkənin apteklərindən almaq olar.

MASALLI ŞƏHƏRİ - Masallı rayonunun inzibati mərkəzidir, Bakıdan uzaqlığı 23о km-dir. Qədimdə bu yerdə "masal" tayfası yaşayıb - xalqın yaddaşında qalaraq, şəhərin müasir adını şərtləndirib. Şəhərin kənarında, meşədə kiçik mənzərəli göl yerləşir - bu, həm şəhərin qonaqlarının, həm də yerli sakinlərin sevimli istirahət yeridir.

Şəhər ərazisindəki tarixi-memarlıq abidələri - 19-cu əsr məscidi, qədim hamam, ƏRKİVAN qülləsi, diyarşünaslıq muzeyidir; ətraf DİGAH və BORADİGAH kəndlərində - 16-cı əsr məscidləri, SEYİD SADIQ türbəsi var. Ənənəvi xalq sənətkarlığı məmulatları (həsirlər, baş örtükləri, dulusçuluq və ağac məmulatları, xalçalar, corablar) MÜSƏKÜÇƏ, TÜRKOBA, QƏRİBLƏR, KOLATAN, SIĞDAŞ və s. kəndlərdə hazırlanır.

Masallıdan Lənkərana gedən yolda, Xəzər dənizinin cənub-qərb sahilində (QIZILAĞAC körfəzi) yerləşir yerləşir QIZILAĞAC qoruğu, onun əraziləri körfəzin bütün su sahəsini, həmçinin ona bitişik quru sahələrini əhatə edir. Qoruq 1929-cu ildə su, bataqlıq və çöl quşlarının qorunması və çoxaldılması, quşların, o cümlədən Qırmızı kitaba düşmüş quşların qışlama yeri olan su və yarımsəhra təbii komplekslərinin mühafizəsi üçün yaradılıb (cəmi 248 növ quş və 54 növ balıq).