Azərbaycan Ekologiya Nazirliyi: «Leysan yağışlarla əlaqədar Böyük və Kiçik Qafqaz çaylarında suyun səviyyəsi qalxıb»

May ayının ilk on günündə qeydə alınan leysan yağışlarla əlaqədar Böyük və Kiçik Qafqaz çaylarında suyun səviyyəsi qalxıb.
Bu barədə Azərbaycan Ekologiya və Təbii Sərvətlər Nazirliyinin mətbuat xidmətində məlumat verilib.
2-3, 6-7 və 9-10 may tarixlərində yağan yağışlar nəticəsində Azərbaycanın Şəki, Oğuz, Qəbələ, Zaqatala, Balakən rayonlarının Kişçay, Şinçay, Kungutçay, Zayzitçay, Ayriçay, Türyançay, Talaçay, Balakənçay, Mazımçay, Kürmükçay çaylarında qısamüddətli daşqınlar qeydə alınıb.
Ekologiya Nazirliyinin məlumatına görə, hazırda suyun ən yüksək səviyyəsi Balakən-Şəki regionunun çaylarında müşahidə olunur – ongünlük normanın 110-160%-i.
«Digər çaylarda isə suyun səviyyəsi normadan aşağıdır. Belə ki, Kiçik Qafqaz çaylarında suyun səviyyəsi normanın 40-50%-ni, Quba-Xaçmaz regionunun çaylarında 50-70%-ni, Naxçıvan Muxtar Respublikası və Lənkəran-Astara regionunun çaylarında 15-30%-ni təşkil edir», - Azərbaycan Ekologiya Nazirliyinin məlumatında deyilir.
Hazırda Qırağkəsəmən məntəqəsində Şəmkir su anbarına tökülən Kür çayının suyunun səviyyəsi 508 kubmetr (ongünlük normanın 68%-i), Mingəçevir su anbarına daxil olan çaydan suyun səviyyəsi isə.
Qanıx 208 kubmetr (ongünlük normanın 102%-i) təşkil edir.
Ekologiya Nazirliyində qeyd ediblər ki, Mingəçevir və Araz su anbarlarında suyun səviyyəsinin tənzimlənməsi ilə əlaqədar Kür çayının səviyyəsində kəskin dəyişiklik müşahidə olunmur.
Hazırda Kürün səviyyəsi Surra məntəqəsində 482 sm (2007-ci ildə 604 sm), Şirvanda 415 sm (567 sm), Salyanda - 294 sm (369 sm), Bankədə - 320 sm (373 sm), Araz-Novruzluda - 203 sm (400 sm) təşkil edir.

Mənbə: www.day.az