13 ildən sonra Xəzərdə nərəkimilərin ehtiyatları tükənə bilər

İranın Beynəlxalq Nərəkimilər Elmi-Tədqiqat İnstitutu bildirib ki, Xəzər dənizində nərəkimilərin ehtiyatları 25-30% azalıb və qadağan olunmuş ovlama üsullarından istifadə davam edərsə, 13 ildən sonra adıçəkilən balıq növlərinin ehtiyatları sıfıra enəcək.
Hazırda İran, Rusiya, Türkmənistan, Qazaxıstan və Azərbaycanın əməkdaşlığı ilə Xəzər dənizində nərəkimilərin ehtiyatlarının monitorinqi üzrə birgə layihə həyata keçirilir.
Layihə çərçivəsində işlər Astaradan (Azərbaycan) başlayaraq Bəndər-Türkmənə (İran) qədər sahilyanı sularda aparılır.

Beş Xəzəryanı ölkənin apardığı tədqiqatların nəticələri sentyabrda Xəzər dənizinin Su Bioresursları üzrə Komissiyasının iclasında müzakirə olunacaq.

/www.apa.az/