Salyan

Əla hava idi – qar yağırdı. Heç nə bəladan xəbər vermirdi və komandamız mövsümü açmaq qərarına gəldi (ənənəni pozmaq olmaz).
Razılığa görə 5 nəfər getməli idi, amma hava ruhən zəifləri qorxutdu. Daha bir qrup yoldaş da başqa tərəfə getdi… Nəticədə Mən, Kök və Polad Salyana doğru yola düşdük. Madam ki, hər halda fevraldır və balıq «bol-bol» olacaq, qızartmaq və yemək üçün nəsə almaq lazım idi ;-) Nə qədər qəribə olsa da, Sahildə qoyun əti satmırlar. Qəsəbədə 20 dəqiqə kimi fırlandıq, axırda 2,800-lük yeganə bir tikə tapdıq, vəssalam :-)

Offroad :

Kanala qədər gəlib çatdıq və palçığa baxmayaraq (yol keçiləsi görünürdü) sevimli çəmənliyimizə getmək qərarına gəldik. 50 metr kimi gedib yolun daraldığı yerə dirəndik və maşın heç cür kanalların arasına düşmək istəmirdi. Yaxşı, indi arxaya verərik, hər şey qaydasında olacaq. 10-20 dəfə irəli-geri (10-20 metr) edəndən sonra tamam ilişdik. Bel lazımdır (kiçik bel yox, əsl BEL), çünki maşın gövdəsi ilə yerə oturmuşdu. Kök baltayla maşını qazıyarkən qərara aldıq ki, ən yaxın tikiliyə gedib alət istəyək. Qapını bir oğlan açdı, zəng edib haradansa bel gətirməyi xahiş etdi. Onu götürüb 50 metr kimi uzaqlaşmışdıq ki, bizi səslədi. Deyir, əgər qazıyıb çıxa bilməsəniz, gəlin, məndə Niva var, sizi çıxararam. Palçıqda əlləşib domkrat lazım olduğunu başa düşəndən sonra bu əməliyyatdan qabaq bir siqaret çəkməyi qərara aldıq. Fasilədə adı çəkilən oğlan «Niva» ilə peyda oldu və (uzun müddət uğunduq) «Niva»nı düz yanımızda oturtdu. Gərək onun gözlərini görəydiniz, biz ona təəssüflənmək əvəzinə ilişib qalmış maşınların fonunda şəkil çəkdirməyə qaçanda :-) «Niva»nın haqqını vermək lazımdır, o çıxdı və naməlum istiqamətdə uzaqlaşdı. Biz lal heyrət içində dayanmışdıq…. 10 dəqiqə sonra oğlan bir qoca ilə qayıtdı və qoca heç bir Niva-filansız, təkcə bir bel və «itələyin» qışqırıqları ilə maşını çıxartdı :-)

Balıq ovu :
Blesnalar, voblerlər, tvisterlər və vibroquyruqlar – bunların heç biri bu mövsüm aktual deyil, çünki durnanın bunlara qətiyyən vecinə deyil (soyuqdur). Canlı yem hər şeyi həll edir!!!!! Tıxaclı tilova (qurd) korüşka (ceki dan) və kiçik dabanbalıqları tutulurdu, onlar da yırtıcı üçün yem kimi gedirdi. Ceki Çan balıqcığı təhlükə anında üzgəclərini yana açmaq xüsusiyyətinə görə oldu. Onu iki barmaq arasında tutmaq olar və o, turnikdəki kimi fırlanır. Kök İmişlidəki uğursuzluqdan sonra ətlə yaman fəndlər işlətdi. Kivi və limonla qoyun əti dəhşət dadlı idi. Qarcığaz və Poladın duzlu turşuları da mənzərəni tamamlayırdı.

Nəticə: Hər şeyə baxmayaraq balıq ovu alındı. Mövsüm açıldı! Kuboklar arasında durna, kiçik dabanbalıqları, korüşkalar (ceki çanlar) var.