Otradnoye gölü, Rusiya, Leninqrad vilayəti

Son bir neçə ildir Sankt-Peterburqa gah oxumağa, gah da ezamiyyətə gedirəm... Bu yay ailəmi də özümlə götürdüm, arvadımı və uşağımı... Günlərin bir günü (elə günlər orada azdır, bütün yay ərzində bəlkə 2 həftədən də az olar) dostlarımız bizi şəhərdən kənara balıq tutmağa dəvət etdilər (onları da öz dostları dəvət etmişdi). Səhər saat 4-də qalxdıq, tez çıxmaq lazım idi, birincisi tıxaclar, ikincisi də yol uzundur... 2 maşınla getdik. Saat 10 radələrində artıq yerində idik, güclü duman var idi! Dəvət qəfil olduğuna görə tor-tilov almağa macal tapmadım, və əlimizdə olanla kifayətlənməli oldum! Bu da 2 adi teleskopik tilov, adi makaralar, şişmə qayıq və tor idi! (çadır, manqal, 3 litr araq və s. haqqında danışmayacam)…

Düşərgə qurub, səhər yeməyi yeyib və s. Qayığı şişirtdik, yem hazırladıq və ilk reysə çıxdıq! Birinci reysdə tor qurduq (ancaq söyməyin, təşəbbüskar mən deyildim) və yem atdıq. İkinci reysdə isə tilovları götürüb balıq tutmağa üzdük! Təxminən 4-5 saat oturduq. (Düzünü deyim, qayıqda ilk dəfə balıq tuturdum və düşəndə üzümdə xoşbəxtlik var idi, belimi güclə düzəltdim, ayaqlarım da keyimişdi!). Nəticədə 20-30 dənə külmə tutduq, ondan iri heç nə dişləmədi! Sahilə qayıdıb şam etmək qərarına gəldik, elə bu vaxt göyü bulud aldı və yağış yağmağa başladı. Bütün axşamı çadırda keçirdik! Səhər yenə reysə çıxdıq, amma yenə də külmə… 4 yaşlı uşaqla olduğumuz üçün çox otura bilmədik, və yığışmaq qərarına gəldik… Torları çıxarmağa üzdük, orada kiçik bir durnabalığı, bir-iki çapaq və bir neçə külmə var idi…

Belə bir balıq ovu!

Gələn bazar günü ZGO-ya (bəndə) tilovla getmək fikrindəyəm, nə düşünürsünüz,
şans var?