Moskva, Dmitrovo qəsəbəsi

Ezamiyyətə getdim.İşin başlamasına hələ bütöv bir gün qaldığı üçün fikirləşdim ki, Moskvanın balıqlı yerlərini gəzim.Orada bu məşğuliyyət demək olar ki, kütləvidir, çünki küçələrdə və metroda bir dəst tilovla, kürəyində də yükü ilə balıqçılar o yan-bu yana vurnuxurlar.Yeri gəlmişkən, bizdəki Şadlıq evi kimi balıqçılıq mağazaları demək olar ki, hər addımdadır:).

Əvvəlcə Avtozavodskayada Nagatino körfəzi deyilən yerə düşdüm.bu, Moskva çayı üzərində ZİL-in ehtiyacları üçün yaradılmış bəndlə saxlanmış sudur.çox çirklidir və avtozavod onu hansısa texniki məqsədlər üçün istifadə edir.Oradakı balıqlar barmaq boyda xırda şeylərdir, yerli balıqçıların dediyinə görə, onlarda ağır metallar və insan üçün zərərli başqa zir-zibil toplandığından heç yemirlər də, sadəcə balıqçı həvəsini söndürmək üçün tuturlar.Orada mənə o qədər də maraqlı gəlmədi, çünki gölməçə dəhşətli dərəcədə çirklidir, yerlilərin məsləhəti ilə Dmitrov gölməçəsinə getdim, elə orada işlərim də var idi.Gölməçə parkda yerləşir, suyu nisbətən təmizdir, camaat gəzir, pivə içir, hər yerdə piknikdir, gölün ətrafında da balıqçılar.hətta sahildə bir batareya tilov düzmüş qadınlar da var idi.Əsasən xırda uklyeyka, dabanbalığı və ovuc boyda xanıbalıqlar tutulurdu.Amma orada isti olmadığına və gölməçə parkda yerləşdiyinə görə üzgəclə əla dincəlmək olar.Təəssüf ki, bizim şəhərdə belə yerlər yoxdur.Olsa-olsa bulvar, oraya da getməmək yaxşıdır.Ən dəhşətlisi də odur ki, bizdə çox istidir və meşəyə, ağaclara yaxın sərin yerlər yoxdur.Yeri gəlmişkən, balıqçılıq mağazalarındakı malların müxtəlifliyi adamı sadəcə şoka saldı.torpaq qurdlarından tutmuş hər cür qəşəng yemlərə və boylilərə qədər..demək olar ki, bütün mağazalarda.İstirahət və idman üçün bir çox hipermarketlərdə sualtı ovçular üçün mallar da var.

Çin torları və elektrik tilovları hər yerdə qadağandır.Torlar yalnız balıqçılıq təsərrüfatı olana və ya müəyyən edilmiş formada lisenziyası olana satılır.Kürütökmə dövründə sualtı ov da qadağandır.Kaş bizdə də belə qaydalar olaydı.